Метео анализа на Славчо Попоски:
Под влијание на нов циклонски систем кој секундарно ќе се формира над Јонско море и Јужен Јадран до понеделник 2 Февруари 2026 во Македонија ќе имаме многу променливо и поладно време со пад на температурите на воздухот и тоа поради продор на значително поладен воздух од север а повремено ќе засилува ветер од северен правец. Ќе имаме и повремени локални врнежи од дожд на ниските места (градовите) и врнежи од снег на повисоките населени места и на планините над 1000 метри надморска височина.
Во недела попладне и навечер како и во понеделник 2 Февруари 2026 врнежите од дожд ќе преминат во врнежи од снег и во повеќето пониски места (градови) каде ќе има услови за формирање на мала снежна покривка а на планинските места и на скијачките центри снежната покривка ќе се зголеми и ќе се прошири.
И во Скопје и околината во погоре споменатиот период ќе има повремен дожд а на околните планини повремено ќе врне снег а во недела попладне и навечер како и во понеделник на 2 Февруари 2026 во делови од Скопската котлина ќе има услови за послаби врнежи од снег.
Што се однесува до температурите на воздухот тие ќе бидат во позначително опаѓање особено во недела и во понеделник на 1 и на 2 февруари 2026 и тие ќе се искачуваат во интервалот од -2 до 7 степени а во Скопје и околината температурата ќе се искачи до околу 4 степени. Наутро пак температурите во почетокот на следната седмица на повеќе места ќе бидат негативни односно под нулата и ќе има појава на мраз.