Министерот за економија, Крешник Бектеши, вели дека немал никакво влијание при вработувањето на неговата сестра, па оттука и не можел да и сугерира или да бара од неа да даде отказ, пренесе Слободен печат.
Влорa Бектеши, сестрата на министерот Бектеши е една од низата нововработени во државниот електропреносник МЕПСО. Информацијата ја потврди и компанијата и соопшти дека таа добила работна задача референт во Секторот за правни и општи работи.
Антикорупциската комисија најави дека ќе ги чешла вработувањата на блиските на функционерите, а премиерот Зоран Заев, пак, ги повика истите да дадат отказ од своите работни места.