68-годишна жена од Крива Паланка е една од петте жртви на коронавирусот во изминатото деноноќие.
Од Министерството за здравство информираат дека во изминатите 24 часа на подрачјето на општина Крива Паланка се регистрирани два нови случаи на заразени во Ковид-19. Вчера се регистрирани 6 случаи, додека во саботата – 4.
Вкупната бројка на ковид дијагностицирани во нашата земја од почетокот на епидемијата изнесува 21113, бројката на оздравени пациенти е 16301, на починати е 797, а во моментов бројот на активни случаи во земјата изнесува 4015.