Општина Центар ја почна доградбата на основното училиште “Гоце Делчев“ на површина од 532 м2.
Учениците ќе добијат шест нови училници, три помошни простории, а дел од зафатот и поставување на лифт за деца со инвалидност и пречки во развојот. Со реконструкцијата, училиштето ќе има сутерен, приземје и два спрата и многу подобри услови за образование.
Директорката на училиштетот, Наде Молеровиќ, се заблагодари за поддршката од општина Центар и рече дека ова училиште ќе биде центар на радоста, животот и образованието.
“Училиштето ‘Гоце Делчев’ ќе биде современо и училиште по највисоките европски стандарди. Не само ова, туку и сите центарски училишта и градинки ќе добијат најдобри услови за воспитување, престој, забава и образование на младите“, рече градоначалникот на општина Центар, Саша Богдановиќ.
