Денес во општина Крива Паланка се оддржа јавен настан под наслов “Јавни лекции” на тема ,,Париципативно буџетирање во општините“, како дел од проектот ,,Мои пари, моја одговорност-Партиципативно буџетирање во општините во Македонија”, подрржан од УСАИД.
Проектот има за цел активно вклучување на граѓаните и организациите во процесот на донесување на буџетот на општината, зголемување на свеста на локалното население за влијанието на трошењето на општинските пари врз квалитетот на животот во заедницата, како и зголемување на кредибилитетот и ефикасноста на одлуките на локалните власти во врска со трошењето на јавните пари и подигање на свеста за потребата од транспарентност во врска со тоа.
На денешниот настан учествуваа претставници од локалната самоуправа, јавните установи, претставници од граѓанските здруженија, бизнис секторот, медиумите и останати чинители од локалната заедница, пред кои беше презентирано значењето на патиципативното буџетирање, начините и формите на партиципација, како и потребите од патиципативното буџетирање.
Проектот е спроведуван од страна на невладината организација Finance Think и општина Крива Паланка а во соработка со невладината ЕГРИ како регионален координатор на проектот за општините Крива Паланка, Куманово и Старо Нагоричане.
Презентер на денешниот јавен настан беше универзитетскиот професор на економскиот факултет во Скопје Борче Треноски.