Изјава за медиуми,
Изабела Павловска, носител на советничката листа на СДСМ во Крива Паланка.
06.10.2017
Културата како обележје на еден човек, група или нација е битен елемент во нашето секојдневие кое треба да се негува. Таа има важно значење во градењето на свеста и вкусот на поединецот, но исто така има и огромна улога во градењето на неговиот карактер.
Ќе покажеме особен интерес за нејзиниот понатамошен развој. Нема да дозволиме никој да ги нарушува нашите културни вредности туку силно ќе ги браниме и промовираме.
Сите досегашни манифестации ќе ги продолжиме и ќе ги надополниме со уште поинтересни содржини за граѓаните.
Ќе формираме и младински културен центар каде младите ќе имаат можност да учат но и да творат, збогатувајки го на тој начин нашето културно наследство.
Ќе ја промовираме и нашата историја и нашите обичаи, за Крива Паланка да биде препознаена и како туристичка дестинација но и за да се потсетуваме кои сме и од каде потекнуваме.
Почитувани,
Еден познат американски борец за човекови права рекол: Луѓето без познавање на својата историја, потекло и култура се како дрво без корен. Кога и да е ќе пресуши и ќе остави една голема празнина. Така е и со нацијата.
Да си ја зачуваме културата и културните вредности и да ја негуваме затоа што од неа ќе зависи какво наследство ќе оставиме на идните генрации.