Изјава за медиуми
Борјанчо Мицевски, избран градоначалник на Крива Паланка
17.10.2017г
Почитувани сограѓани, успеавме!
Успеавме со вас и пред се заради вас, за да обезбедиме живот за сите!
Ви благодариме за одважноста, да ја вратиме демократијата во Република Македонија, вклучително и во Крива Паланка.
Ви ја честитаме победата, вам, но и на сите граѓани на Македонија, победа со која СДСМ и коалицијата ќе ги заокружат промените во целата држава.
Не заборавајте дека 15 октомври е празник на демократијата и пример за мирно, слободно и достоинствено изразување на правото на глас на секој граѓанин на државата, но и ние нема да зоравиме дека остварувањето на вашите права ќе биде наша обврска и одговорност.
Почитувани,
Вака изгледа Крива Паланка кога се гласа без притисоци, слободно и демократски.
Изразуваме благодарност пред се до сите граѓани, но и до сите институции кои што овозможија слободни и демократски избори.
Благодарение на вашиот ангажман Крива Паланка и севкупно Македонија се гордее со овој величествен демократски ден!
Драги сограѓани,
Граѓаните покажаа колку се важни локалните самоуправи и општините.
Обврската сега ни е уште поголема да обезбедиме Живот за сите!
Најавивме ново време на одговорна, отчетна и транспарентна власт.
Како градоначник на Крива Паланка, ветувам дека ќе се грижам за сите граѓани без разлика на нивната верска, национална, политичка етничка припадност. Верувам во вас и верувам во мојот тим, верувам дека заеднички ќе се избориме за просперитетна и европска Крива Паланка за сите да живеат еднакво и достоинствено.
Почитувани кривопанчани,
Ве уверувам, ќе обезбедиме живот во Крива Паланка за сите. Тоа беше и ќе биде наша заедничка цел!