-Најавуваме изградба на комплетно нова градинка, на просторот позади мене, непосредно до основното училиште “Димо Хаџи Димов”. Ова ќе биде градинка која ќе се протега на повеќе од 1000 м2 и која ќе ги опслужува потребите за најмладите жители на Влае 2., вети кандидатот на СДСМ за градоначалник на општина Карпош, Стефан Богоев.
Тој исто така истакна дека е планирана изградба на нова градинка во Бардовци (до ОУ “Аврам Писевски”), како и целосна реконструкција и доградба на градинките во Влае 1 и Тафталиџе 1 (Мајски цвет).
