Општина Крива Паланка во изминатиот период потпиша договор со Министерството за труд и социјална политика и фондацијата “Отворено општество” за реализација на проектот за пренамена, адаптација и проширување на капацитетите на ОЈУДГ “Детелинка”. За таа цел, Градоначалникот на општината, Мицевски и претставниците од локалната управа, како и изведувачот на градежните активности во присуство на Директорката, извршија контрола на активностите кои се одвиваат во рамки на проектот.
Општинската јавна установа детска градинка “Детелинка” досега имаше проблем со капацитетот на сместување и згрижување на децата од предучилишна возраст. Проширувањето на капацитетот на градинката во општината беше и повеќе од неопходен. Во Општина Крива Паланка постојат само три објекти (градинки) за најмалите: “Пролетна роса”, “Поточиња” и “Виножито”. Во периодот што следи, најпрво ќе се работи на проширување на капацитетите на објектот “Пролетна роса” во наслеба Житни на улица “Јоаким Осоговски”. Во споменатиот објект досега беа згрижени 180 деца, а со проширувањето ќе се овозможи згрижување на уште 40 деца. Всушност, идејата со проширувањето е да се формира една група за дечиња во градинка и една целодневна школска група – изјави Мирка, директорка на ОЈУДГ “Детелинка”.
Според договорт за реализација на овој проект ќе бидат инвестирани 2 милиони денари, и тоа, 1 милион денари за изведување на градежните активности и 1 милион денари за внатрешното уредување со мебел и друга опрема потребни за немената на градинката.