“ISO стандардите претставуваат група на стандарди за системи на квалитет. Тие предвидуваат дека фирмата/институцијата која ги имплементира ќе стане најквалитетна во својот домен на работа. Овие стандарди се применуваат на системот за менаџмент со квалитет и истите не се однесуваат за производите кои излегуваат како аутпут, туку за начинот на менаџирање на процесите во фирмата/институцијата.
Воведувањето на ваквите системи за квалитет во делот на локалната самоуправа ќе придонесе за унапредување на работата на општинската администрација, зголемување на задоволството на вработените од извршување на работните активности и нудење на најдобар квалитет за граѓаните кои живеат во Крива Паланка.
Канцеларијата „Мој администратор“ ќе нуди информации за административните процеси и процедури за граѓаните, помош при пополнување на документација и апликации за сите административни услуги како прибавување на катастарски документи, апликации за субвенции и помош, секаков вид на барања, молби и административни документи. Истовремено ќе биде воведена бесплатна телефонска линија за комуникација на луѓето кои доаѓаат од руралните и планинските населени места и средини. Овие услуги ќе бидат наменети за сите граѓани кои имаат потреба од истите, а ќе придонесат за брзо одвивање на процедурите, намалување на времето на чекање на шалтерите, унапредување на ефикасноста на администрацијата и
нудење на најдобра услуга.
На овој начин ќе се унапреди нивото на задоволство при вршењето на работните активности кај општинската администрација и ќе се нудат квалитетни услуги на граѓаните.” – стои во соопштението од СДСМ Крива Паланка, како дел од мерките од програмата за локалните избори.