“Населбата Мечковци подолг период има проблеми со патната инфраструктура иако се наоѓа во непосредна близина на градското подрачје.
Населението кое гравитира во овој дел од градот е оневозможено во поглед на вршење на редовните работни обврски. Отежнатата гравитација кон градот е во полоша состојба во поголем дел од годината особено во врнежливите и снежните месеци.
Се работи за капитален потег, изградба на модерен асфалтиран пат, кој ќе овозможи полесно движење на граѓаните од оваа населба кон централното градско подрачје и другите населени места во Крива Паланка.
Изградбата на патот ќе ги зајакне економските врски кон и од ова населено место, ќе ја зголеми активноста на населението и ќе придонесе за развојот на ова населено место.” – стои во соопштението од СДСМ Крива Паланка, како дел од прoграмата за изборите.