На Градскиот стадион во Крива Паланка денеска се реализираше настанот „Полицијата блиску до граѓаните“ во рамки на одбележувањето на Денот на полицијата -7 Мај, што годинава се реализира низ повеќе градови во државата.
Настанот опфати дружење со полициските службеници и запознавање со полициската професија и опрема од сите единици: показни вежби на Специјалната антитерористичка единица „Тигар“, можност за дечињата да влезат во полициски хеликоптер по прелет на хеликоптерот над градот.
Меѓу присутните на настанот беше и градоначалникот на Крива Паланка, Сашко Митовски и директорот на БЈБ, Сашо Тасевски.
Полициска опрема, возила и униформи беа достапни заедно со различни единици на МВР на увид на сите присутни.
Општина Крива Паланка заедно со МВР го реализираше денешната свеченост под мотото “Полицијата блиску до граѓаните”.