Убаво е чувството кога со дела се покажува како се влече напред за својот крај и за цела 🇲🇰.
Горд сум на личната заложба, посветено време и работа на Владата во претходниот период за да денес во мојот роден крај започне реализацијата на терен на проектот за реконструкцијата и проширувањето на магистралниот пат Кр. Паланка – Деве Баир.
Вредноста на оваа нова инвестиција на Владата е над 10 милиони евра со грант од 🇪🇺 од околу 2 милиони €.
Работите опфаќаат рехабилитација на првите 2.6 км, во продолжение проширување на патот со нова трета лента, напуштање на трасата и во еден дел изградба на целосно нова траса, реконструкција на два постоечки мостови и изградба на четири сосема нови мостови.
Во 2018 год. Собранието донесе закон за заем кај Европската банка за обнова и развој, во 2019 год. Јавното претпријатие за државни патишта ја спроведе и заврши целата постапка и сега на почетокот на 2020 год. овој значаен проект за овој регион и целата земја започнува со реализација и треба да заврши за две години во целост.
Граѓаните паметат и знаат дека до пред две години овој наш регион беше заборавен и изолиран.
Со многу посветеност и поддршка денес тука се реализираат меѓународни, регионални и локални историски проекти тешки стотици милиони евра.
Се грижиме, помагаме но и инвестираме во инфраструктура за секој.
Затоа што секој е важен!
Зборот важи !
Љупчо Николовски, Генерален секретар на СДСМ
