Синоќа општинската организација на СДСМ од Крива Паланка, на плоштадот “Карпошово востание” кој се наоѓа веднаш пред општината, приреди славеничка забава за граѓаните по повод убедливата победа на локалните избори со над 2500 гласа разлика.
На забавата присуствуваа и се обратија министрите Љупчо Николовски и Оливер Спасовски, носителот на советничката листа, Изабела Павловска, шефот на Општинскиот изборен штаб, Сашко Митовски, како и новоизбраниот градоначалник Борјанчо Мицевски.
По обраќањето на говорниците за добрата забава на присутните се погрижи музичката група Амајлија бенд од Пробиштип.
