Денеска, активистот на СДСМ Крива Паланка, Орце Спасовски додека преку аудио запис го најавуваше утрешниот митинг на СДСМ во Крива Паланка, беше нападнат од страна на локални активисти на ВМРО – ДПМНЕ.
Спасовски за И-Портал раскажува како се случил настанот:
– Поминувајки низ населбата Единство, ромите кои имаа некаков собир ја блокираа улицата. Еден од главните активисти на ВМРО – ДПМНЕ од Крива Паланка за месниот комитет Единство, дојде до мене и почна да ми се заканува да сум го изгаснал звукот од автомобилот преку кој се повикуваше за митингот на СДСМ бидејки тука имало некаков собир, по што јас се извинив и реков дека не сум знаел дека тука такво нешто се случува. Веднаш потоа дојдоа и уште неколку активисти на партијата за по кратко време автомобилот да биде опколен од дваесетмина лице кои почнаа да ми удираат тупаници и ми се обраќаа со навредливи зборови.
И-Портал дознава дека случајот е расчистен од страна на полицијата и ќе биде поднесена кривична пријава против три лица за кривично дело насилство, по член 386 од Казнениот законик на Р.Македонија.