Во Крива Паланка се одржа општинскиот натпревар за изработки од рециклирачки метријал “Еко проект 2019” во организација на еко-одборот на ОУ “Јоаким Крчовски”. На овој натпревар беа пристигнати вкупно 80 различни изработки, по што од страна на стручната комисија беа избрани трите најдобри. Темата на овој конкурс со натпреварувачки карактер беше изработка на електрични уреди од домаќинството со тетрапак амбалажа. На темата работеа вкупно 63 тима, а секој од тимовите се состоеше од по 5 ученици под водство на своите наставници – ментори. Еден од главните услови на конкурсот беше делата да бидат 75% изработени од тетрапак пакување, а 25% од останати материјали.
Пристигнаа исклучително интересни, оригинални и креативни творби кои заначително ја отежнаа работата на комисијата во изборот на трите најуспешни изработки кои ќе се претстават на овагодинешното национално натпреварување – изјави Маја Златковска, претседател на еко-одборот на ОУ “Јоаким Крчовски”.
Во организацијата на конкурсот активно учествуваа здруженијата “ОХО” и “Пакомак” кои за државното натпреварување ќе доделат три вредни парични награди за најдобрите. Учеството на конкурсот е овозможено балгодарение на заложбите на одговорните од ОУ “Јоаким Крчовски” за реализација на еколошки активности, исполнување на еко-стандардите и обврските кои со себе ги носи одговорноста на поседување зелено знаме, епитет кој училиштето “Јоаким Крчовски” го заслужува по трет пат.
