Oпштинската организација на на СДСМ од Охрид, синоќа, на Конвенција го потврди изборот на д-р Константин Георгиески за официјален кандидат за градоначалник на Охрид од редовите на оваа партија.
– За доброто на Охрид, в.д градоначалникот Константин Георгиевски е најдобар избор за градоначалник кој ќе продолжи со реализацијата на програмата за развој на општина Охрид на сега веќе покојниот градоначалник проф. д-р Јован Стојаноски, заклучија делегатите на Конвенцијата.
На Конвенцијата присуствуваше и потпретседателот на СДСМ и министер за внатрешни работи, Оливер Спасовски.
Охриѓани на 21-ви април ќе избираат нов градоначалник, откако на 15-ти декември минатата година, ненадејно почина градоначалникот, проф. д-р Јован Стојаноски.