Во ЈЗУ Здравствен дом – “Академик Проф. Д-р Димитар Арсов“ – Крива Паланка, пристигна нов современ ренген апарат.
Досегашниот стар 20-тина години кој беше донација од Јапонската амбасада веќе два месеци не е во функција.
Заложбите на директорот на оваа здравствена установа како и брзата реакција на министрите Николовски и Филипче вродија со плод.
Пациентите веќе нема да имаат потреба за ренген снимки да патуваат во Кратово и Куманово.
Новиот ренген апарат е во фаза на монтажа и се очекува за околу една седмица да биде пуштен во употреба.
Исто така, од значаен интерес е што во Здравствениот дом од неодамна започна да работи и логопед, со што најмладите пациенти – дечињата од оваа општина ќе добијат соодветна грижа при нивното лекување.