Општина Крива Паланка минатата година започна со голем број градежни активности за подобрување на локалната патна инфраструктура, како и подобрување на состојбата на патиштата во руралните средини. Дел од градежните акивности се целосно завршени, а останатиот дел се во завршна фаза.
По програмата за одржување на локалната патна инфраструктура, започнати и целосно завршени се дел од улиците “Херој Карпош”, “Ацо Шопов”, “Горан Стојановски”, “Климент Охридски” и “8-ми Септември”. Тампонирана е и улицата “Коце Металец”, а во тековниот период ќе биде и асфалтирана, исто како и улицата во село Конопница. Во еден дел од село Трново, поточно кон црквата и училиштето, извршено е тампонирање, направени се две паркинг проширувања, а асфалтирањето е во завршна фаза. Активностите во ова место се започнати од минатата година.
Минатата година започна да се работи и на патната инфраструктура во руралните средини, при што дел од активностите не беа во целост завршени заради лошите временски услови. Досега прочистени се патните правци во село Луке, село Подржикоњ, а наредниот период ќе се продолжи со активности во село Крстов Дол. Исто така, расчистени и тампонирани се патните правци во село Нерав.
Лошите патни правци претставуваат дополнителен проблем кој го отежнува сообраќајот, заради што од оштината уверуваат дека со исто темпо на расчистување и тампонирање ќе се продолжи и во останатите рурални средини.
