Денеска беше шестиот ден од изборната кампања за локалните избори кои ќе се оддржат на 15 Октомври, традиционално кандидатите во саботен ден се низ улиците на градот.
Кандидатот за градоначалник на Крива Паланка од редовите на СДСМ и коалицијата, Борјанчо Мицевски денеска прошета долж главната улица и се среќаваше со случајните минувачи. Мицевски ги поздравуваше граѓаните, даваше но и слушаше предлози за тоа како да се подобри социо-економскот сегмент.
Останатиот дел од тимот на СДСМ оствари средба со граѓани на градскиот пазар.
По ова, Мицевски заедно со членот на Извршниот одбор на СДСМ, Љупчо Николовски, и носителот на листата на кандидати за советници, Изабела Павловска остварија средба со младите.
“Младите да останат тука покрај своите семејства е една од најголемите причини зошто влегов во оваа битка. Од нив ја црпам енергијата и убеден сум дека заеднички ќе успееме. Им порачав дека ќе работиме на нивниот личен и професионален развој за да изградиме способни млади кадри кои ќе бидат носители на идниот локален економски развој”, вели Мицевски.
Понудивме неповратен кредит од 10 000 евра за започнување на сопствен бизнис.
Воведена е младинска гаранција со која ќе се обезбеди поголемавработеност за младите луѓе.
Формираме младински културен центар за младите да имаат каде да поминуваат квалитетно и продуктивно време.
Ќе поддржиме и обуки за јакнење на капацитетот на младите со цел да креираме способни кади кои ќе бидат дел значаен дел од политичкиот и општествениот живот”, изјави пред младите кандидатот на СДСМ.
Министерот Николовски им порача дека СДСМ како партија дава огромна шанса на младите и дека тоа ќе продолжи и во иднина.
