Познатиот Бугарски маратонец Красимир Георгиев, месецов ја минува рутата од Бугарија кон Северна Македонија до Албанија со цел промовирање на пан-европскиот транспортен Коридор како и промовирање на добрососедска политика и унапредени добрососдски односи меѓу трите балкански земји. Маратонецот проектот го запчна на 7 Мај од Црното Море и ќе трае до 25 Мај.
Општина Крива Паланка беше еден од градовите што се дел од рутата на маратонецот Красимир.
Општина Крива Паланка е град кој претставува источна порта кон Европската Унија и град низ кој минува Коридорот 8, поради тоа неизбежно се најде на мапата на движење на бугарскиот маратонец.
Маратонецот Красимир денеска пристигна во општина Крива Паланка во 13.30 и беше достојно пречекан од градоначалникот Мицевски кој му подари симболични подароци во име на општината и му посака успешно да го продолжи понатамошниот пат до Драч кој е целта каде на 25 Мај е предвидено да се сретнат тројцата премиери, на Бугарија, Бојко Борисов, на Северна Македонија, Зоран Заев и на Албанија , Еди Рама.
-Сакам да го поздравам подвигот на бугарскиот маратонец Красимир и да му посакам успешно продолжување. Чест ми е што маратонецот на ваков начин реши да го промовира Коридорот 8 .
Му посакувам уште многу енергија и да го издржи сето ова што го започна, како општина му посакуваме уште многу вакви хумани подвизи во животот- изјави градоначалникот Мицевски.
Мицевски истакна за инвестициите во патната инфраструктура, односно експресниот пат на кој се работи последната година а има за цел да ги поврзе двете земји Бугарија и Северна Македонија.
Бугарскиот маратонец ,пак, се заблагодари на Мицевски за приемот и придружбата на мадите спортисти кои му се приклучија во трката од Граничниот премин до општина Крива Паланка.
Маратонецот Красимир беше поканет и на денот кога ќе биде отварањето на неколку спортски терени кои се дел од инвестиците на Р.Бугарија.
За мене е важно не само да го промовирам Коридор 8 , туку важно е ние како народ да се соединиме, да покажеме дека сакаме да знаеме повеќе еден за друг, бидејќи сме соседи-рече Георгиев.
Тој нагласи дека никогаш досега нема истрчано ваков пат од 1300 км, но за него ова е предизвик. И пкрај тоа што незнае дали ќе го издржи патот сепак сака да се потикне себеси на овој предизвик и апелирање и до останатите секогаш да се предизвикат на нештата што ги сакаат.
Бугарскиот маратонец вечерва ќе одмори во Манастирот Св.Јоаким Осоговски а во утринските часови ќе го продолжи својот пат.
Со ултра- маратонот,Георгиев, од Црното Море до Јадранското Море, ќе мине низ 20 градови, а рутата е со вкупна должина од 1.300км.
Целта е во Драч. Георгиев ги подржува заедничките напори на трите земји за исполнување на инфраструктурниот проект преку Коридорот 8, кој ќе донесе серија придобивки за Западен Балкан и ќе ги поврзе трите соседски балкански земји.
Маратонецот се надева дека ќе привлече многу млади ентузијасти во својата авантура кои ќе се приклучат на патот на поврзување и обединување, кон вредностите што заеднички ги делиме на патот кон ЕУ. Бугарскиот маратонец Красимир имал многу слични подвизи до сега . Имал успешен хуманитарен маратон, трчал 345км, а собраните сретства ги донирал за болните деца од рак во Бугарија.