Охридската хотелска понуда од неодамна е побогата за уште еден луксузен хотел.
Хотелскиот комплекс „ ЛАКИ ХОТЕЛ & СПА“ кој се наоѓа спроти хотел „Гранит“ е новиот хотелски Бисер на Охридската ривиера. Домашна инвестиција од неколку милиони евра на познат охридски бизнисмен.
Хотелот со 4 ѕвезди е една од најголемите инвестиции во Охрид во овој бизнис за изминативе 20-тина години.
Гостите имаат на располагање 60 двокреветни соби и 4 апартмани со прекрасен поглед на Охридското Езеро.
Лаки Хотел располага со Спа центар која има внатрешен базен, џакузи, ароматерапи бања, парна бања и сауна.
На големото отварање кое се случи на 24 јуни беа присутни голем број на видни личности и политичари меѓу кои и премиерот Зоран Заев и министрите за внатрешни работи и земјоделство, шумарство и водостопанство, Оливер Спасовски и Љупчо Николовски како и градоначалникот на Охрид, Никола Бакрачески.