Вработени во текстилни фабрики од неколку градови преку трансакциска добиле минимална плата, ама дел од парите повторно завршиле кај газдите. На рака им ја враќале разликата до минимална плата од 12.000 денари, на прес конференција објавија од Здржението „Гласен текстилец“, објави ТВ24.
„Во неколку градови од страна на работодавачите се бара назад дел од плата од работниците. Тоа посебно го констатиравме во Валандово, Куманово и Делчево. Во Куманово во еден слчај моравме и директно да интервенираме преку инспекторатот за труд. Мораше екипа итно да отиде на терен и во тој момент а се прекине притисокот што им се случуваше на работниците“, вели Кристина Ампева – здружение „Гласен текстилец“
Ова не се единствените прекршувања. До Хелсиншкиот комитет стигнале повеќе претставки, најмногу од текстилната и кожарската индустрија. Трудовиот инспекторат веќе излегол на терен и констатирал повеќе неправилности.
„Фиктивно тие работат, да речеме, од 6 до 3 часот, но она што доаѓа како информација до нас е дека кога во 3 часот ќе ја искуцаат картичката повторно се враќаат на работа и работат до 6или 7 навечер. Работат и за време на викенд, за време на празници. Многу често не им е платен тој прекувремен труд “, вели Уранија Пировска – Хелсиншки комитет
Од Здружението Гласен текстилец се против предлогот за замрзнување на придонесите за платите до 18 илјади денари, бидејќи велат не се знае какви проблеми тоа може да им предизвика на работниците по пензионирањето.