Директорот на агенцијата за туризам Александар Донев кој во изминативе два дена беше предмет на остри критики од страна на јавноста поради користењето на оваа класа на летот до Буенос Аирес денеска изрази жалење поради неговиот избор во изјава за телевизија Телма.
Авионската карта до Аргентина во бизнис класа била 30 одсто поскапа од онаа во економската, односно економската чинела 180 000 денари, а бизнис околу 220 000. Донев доплнително ќе одлучи на каков начин ќе ја врати разликата во средствата.
Аргументот на Донев е дека прв пат летал со бизнис класа бидејќи патот е долг повеќе од 17 часа, а на светскиот самит за авантуристички патувања имал набиена агенда и голем број состаноци поради кои требал да биде одморен.