Министерот за земјоделство, шумарство и водостопанство, Љупчо Николовски денеска е во посета на штипскиот регион.
Тој најпрвин, беше гостин во емисијата “Отворено на тема” на ТВ Ирис, каде дискутираше за состојбите во земјоделството и идните политики на Владата, во областа на земјоделството.
– На средбата со земјоделците од Караорман, ги информирав дека Владата, континуирано работи во интерес на земјоделците и брзо решавање на проблемите. Во тој контекст, им ветив дека проблемот што го имаат земјоделците од овој регион со нефункционалниот канал за наводнување ќе биде ставен во Програмата на Владата, и во најкус рок ќе биде во функција, потенцира Николовски.
Потоа, министерот оствари средба со земјоделци од различни гранки, на кои се разговараше за текот на исплатата на субвенции, со ветување дека од идната година ќе ги добиваат навремено, кога им се најпотребни, но и за идните мерки и политики на Владата, за развој на земјоделството.
