Министерот Љупчо Николовски, денеска присуствуваше на свеченото отворање на традиционалната манифестација „Денови на македонскиот мед 2017“, на која покровител е Министерството за земјоделство, шумарство и водостопанство.
– Во непосредната прошетка на штандовите, со дел од производителите на мед и други пчелни производи, разговарав за моменталната состојба во пчеларството и нивните предлози како може МЗШВ да помогне. Пчеларството е една од позначајните гранки во земјоделството, поради што како ресорно министерство континуирано ќе преземаме системски мерки за развој на оваа стопанска гранка. Како министерство, работиме на решаваме на сите отворени проблеми во секторот пчеларство, од нелојална конкуренција до финансиска поддршка. Внимателно ја следиме состојбата на терен и ќе преземаме соодветни мерки во корист на пчеларите, потенцира министерот Николовски.
