Надлежен јавен обвинител побарал притвор за 5 лица и куќен притвор за едно лице по вчерашната акција на Министерството за внатрешни работи за сузбивање криминална група која продавала наркотици, по која беше поднесена кривична пријава против 8 лица од Прилеп, Битола и Арачиново, соопшти денеска Јавно обвинителство.
Од обвинителството велат дека лицата се товарат дека за неовластено производство и пуштање во промет на наркотични дроги, психотропни супстанции, а на еден од осомничените му се става на товар и дека сторил кривично дело – перење пари и други приноси.
Во соопштението уште се наведува дека двајца од осомничените не се достапни на органите на прогонот.