Кандидатот за градоначалник на Општина Аеродром, Златко Марин вчера имаше многу продуктивен состанок со сопственици на домашни миленичиња со кои заеднички ја дополнија програмата за престојните локални избори во однос на грижата за животни. Како дел од програмата предвидено е да се изгради стационар за улични животни. Разговарано е и за тоа како практично тој би функционирал.
“Крајно време е да гарантираме хуман третман и да овозможиме соодветни услови и за нив”, вели Марин.
По синоќешните сугестии, програмата на СДСМ за престојните локални избори во однос на грижа за животни, ќе ги содржи следните мерки:
– Изградба на стационар во рамките на локалната самоуправа
– Информативни кампањи за подигање на свеста за опасноста од фрлање отрови
– Едукативно-информативни иницијативи за подигање на свеста кај младото население
– Соработка за поддршка на невладини и неформални здруженија за заштита на животни