Победата на Хрватска над домаќинот Русија во четвртфиналето од СП 2018 беше драматична во најмала рака.
Хрватските навивачи беа на работ на столчињата и на работ на нервите додека ги следеа регуларните 90 минути од натпреварот, па судиските продолженија и за крај, изведувањето на пеналите што беше решавачко за пласман во полуфиналето.
Останува прашањето дали гордиот Хрват имал намера и ветил дека ќе го фрли каучот ако победи неговиот тим или ова му било моментална „инспирација“.
Видеото прва го објави страницата Dnevna doza prosječnog Rvatine, што подоцна објави и фотографија од фрлениот кауч „за оние кои цел ден прашуваат што се случи со најпознатиот кауч“.
Еден хрватски фан од радост за победата над Русија фрли цел кауч низ прозорец и продолжи да скока од среќа додека неговите пријателки го снимаат како не може да ја артикулира среќата. По каучот, леташе и дресот.