По резултатите од анализата на античка реликвија, вештачката интелигенција создаде неверојатни слики од човек за кој многумина веруваат дека би можел да биде Исус Христос!
Христијаните веруваат дека Торинската плаштеница е всушност погребната ткаенина на Исус со забележлив отпечаток на неговото крваво лице и тело. Анализата направена во 1980-тите сугерираше дека плаштеницата била направена во 14 век, но новата проценка за датирање со рендген сугерира дека ткаенината е стара 2.000 години и е создадена околу времето на Христос, пренесува NY Post.
Тоа знаење и овозможи на најсовремената технологија за вештачка интелигенција да создаде живописни и неверојатно реални прикази на отпечатокот на лицето за кој верниците веруваат дека е создаден на ткаенината во моментот на Христовото воскресение.
Сликата од сајтот за вештачка интелигенција Midjourney е слична на многу историски претстави на Исус со долга коса и брада до рамениците.
Face de Jesus é revelada pela IA usando o Sudário de Turim!
Ave Christus Rex! 👑 pic.twitter.com/LZbGxjWBIa
— 🇻🇦 Pkz ♱ (@TheRealPkz) August 23, 2024
На неговите голи гради се гледаат и рани што укажуваат на тоа дека бил мачен и убиен.
Либерато де Каро, водечки автор на новата студија, тврди дека широкоаголната рендгенска анализа докажала дека Торинското платно се совпаѓа со сличен примерок од ткаенина од израелската Масада која датира помеѓу 55 и 74 н.е.
– Експерименталните резултати се компатибилни со хипотезата дека Торинската плаштеница е реликвија стара 2000 години, се наведува во студијата и се нагласува дека претходната финална анализа била погрешна поради контаминација.
Експертот, исто така, рече дека има мали честички од полен од Блискиот Исток во ленените влакна на обвивката, што навидум ја отфрли идејата дека ткаенината доаѓа од Европа.
Тимот на Де Кар ја изврши анализата користејќи мал примерок од Плаштеницата која моментално се наоѓа во катедралата Свети Јован Крстител во Торино.
Авторите на студијата побрзаа да забележат дека новите заклучоци важат само доколку кревкиот артефакт се чувал на просечна температура и релативна влажност од 55 до 75 проценти во текот на 13 века пред да влезе во историски запис во 1354 година.
Католичката црква, сепак, нема официјален став за легитимноста на Торинската плаштеница.
Неколку папи ја препознаа ткаенината како чудотворна реликвија. Во 2015 година, папата Фрањо отиде на аџилак во Торино за да се моли пред плаштеницата.