ТикТокерка била непријатно изненадена кога ја видела сметката откако го прославила својот роденден во ресторан.
Всушност, ресторанот ѝ наплатил за сечењето на роденденската торта што ѝ ја донеле нејзините пријатели. Сечењето на тортата чинело 23 евра.
ТикТокерката под име @vivala_blondiiie објави видео на кое ја покажува сметката, јасно означена со ставката „сечење торта“.
„Не знаев дека и ова се наплаќа“, напишала бесната славеничка, а снимката на ТикТок собра повеќе од 800.000 прегледи.
Меѓутоа, реакциите на нејзините следбеници се поделени. Додека едни се во неверување, други се согласуваат со дополнителното наплаќање за сечење торта.
„Да, се наплаќа. Бидејќи мора да донесат свои чинии и прибор, кој потоа мора да го измијат. Меѓутоа, не е во ред од нивна страна што не ти кажале дека ќе го наплатат тоа“, напишал еден корисник.
Друг вели дека се сретнал со слична ситуација, но однапред му било кажано дека тоа ќе биде дополнително наплатено.
„Тоа се нарекува креативно наплаќање“, „Сигурно не би им дал бакшиш после ова“, се дел од коментарите.