Францускиот милијардер Франсоа Анри Пино, сопруг на актерката Селма Хаек, ветил 100 милиони евра за помош на Нотр Дам, која беше зафатена од ужасен пожар
Семејството Пино, вклучувајќи го и сопругот на Селма, ветило 100 милиони евра за обнова на познатата Богородична црква.
Понудата на милијардерот, кој е косопственик на „Гучи“ и „Ив Сен Лорен“, се случила само неколку часа откако францускиот претседател Емануел Макрон покренал меѓународно собирање средства и ветил дека катедралата ќе биде обновена.
„Јас и татко ми одлучивме да издвоиме 100 милиони евра за да учествуваме во реконструкцијата на Нотр Дам“, соопштил Пино.
Пино е главниот човек на компанијата „Керинг“, која е сопственик на познатите брендови, меѓу кои се „Гучи“ и „Сен Лорен“, и е претседател на компанијата што ја поседува познатата аукциска куќа „Кристис“.