Истражувачите од Универзитетскиот колеџ во Лондон воспоставија врска помеѓу перцепцијата за сексуалната моќ на поединецот и желбата за моќен автомобил.
Сега е научно докажано: мажите со мали пениси се обидуваат да компензираат со скап автомобил. Момците кои возат спортски автомобили имаат поголема веројатност да имаат мали пениси, открија британските научници.
Истражувачите од Универзитетскиот колеџ во Лондон спроведоа студија врз основа на која тврдат дека воспоставиле врска помеѓу перцепцијата за сексуалната моќ на поединецот и желбата да се поседува спортски автомобил со високи перформанси, објави новозеландскиот Н З Хералд
Група научници од Катедрата за експериментална психологија на Универзитетскиот колеџ во Лондон одлучија да истражат дали „има вистина во стереотипната претстава дека мажот кој вози скап спортски автомобил всушност ја компензира својата машка несоодветност“.
Излегува дека еколошката активистка Грета Тунберг била во право кога го исмевала инфлуенсерот на ТикТок, Ендрју Тејт, кој е осомничен за силување и трговија со жени.
Кога Тејт ја исмејуваше на Твитер, фалејќи се со неговата колекција со скапи спортски автомобили, 18-годишната Швеѓанка одговори со „small di*k energy“.
Лондонските научници испитале 200 мажи на возраст од 18 до 74 години. Не ги измериле пенисите,но ги поделиле во две групи, едната била убедена дека пенисот им е мал, а другата не. Односно, на една група ѝ било кажано дека просечната големина на пенисот е 18 сантиметри, додека на другите дека просечната е 10 сантиметри.
Британските научници тврдат дека за прв пат воспоставиле „психолошка врска меѓу брзите автомобили и малите пениси“. Тие го објавија во извештајот „Мали пениси и брзи автомобили“. Трудот не ја помина рецензијата што научен труд мора да ја помине пред објавување во признато списание, но авторите веруваат дека создале добра основа за идни истражувања.
Според нив, ги натерале испитаниците да веруваат дека имаат релативно мал или голем пенис давајќи им лажни информации за просечната големина на гениталниот орган кај другите мажи.
Оние кои мислеле дека имаат мал пенис, бидејќи им било сугерирано дека 18 сантиметри е просекот, ги оцениле спортските автомобили како попосакувани од другите, на кои им било кажано дека задоволителниот просек е веќе 10 сантиметри.
На испитаниците им биле поставувани прашања поврзани со други луксузни производи, но лондонските психолози не откриле врска помеѓу машката анатомија и желбата да поседуваат други индикатори за статусот.
Исто така, тие биле доведени во заблуда не само за големината на гениталниот орган, туку и за личните финансии, пријателствата, физичкото здравје – но ништо од тоа не влијаело на зголемување на нивната желба за спортски автомобил.