Кој е совршен маж? Физички, тоа варира од личност до личност, бидејќи како што знаете, убавината е во окото на гледачот, а емотивно речиси сите жени копнеат за слични работи.
После одреден период поминат во брак, доаѓа период кога жената се прашува дали го избрала оној вистинскиот.
Ако вашиот избраник ги има овие карактеристики, покрај себе го имате совршениот маж:
Тој ви е безусловна поддршка
Сите грешиме, а кога ќе се случи тоа, вашата посилна половина би требало да биде на ваша страна. Дури и кога грешите. Во било која ситуација, сопругот треба да ве поддржи, а не да ве обвинува.
Важно му е вашето мислење
Односот помеѓу мажот и жената не треба да биде само заеднички живот или грижа за децата, тие исто така треба да станат најдобри пријатели и меѓусебни советници. Заедничкото донесување одлуки, сослушувањето еден со друг и уважувањето на мислењата и желбите се пресудни за среќен брак,
Ја зголемува вашата самодоверба
Добриот маж никогаш нема да користи манипулација за да го добие она што го сака или да го контролира начинот на кој размислува неговата партнерка. Тој не омаловажува. Напротив, неговото однесување ја зајакнува нејзината самодоверба.
Верен ви е
Неверството не му поминува низ глава, без разлика дали се работи за физичко или емоционално. Во неговиот живот има место само за една жена – вие.
Покрај него сте свои
Ако го прашате за совет, тој ќе ви даде свое мислење. Меѓутоа, тој никогаш нема да го наметне своето мислење или да очекува од вас да размислувате како него. Тој премногу ве цени за да се однесува така.