Работењето од дома има неколку предности, од кои примарни се удобноста, приватноста и тишината, кои понекогаш им недостигаат на оние што работат во поголеми компании со канцеларии од отворен тип, кои ги делат голем број вработени. Дополнителен плус е слободата која ја имаме да го претвориме работниот простор во наше катче за работа што ќе биде уредено според сопствениот стил и вкус.
Заради брзото зголемување на бројот на луѓе што работат од својот дом започна брзо да се шири дизајнерскиот тренд да се има простор во домот кој ќе биде доволно комотен и удобен да се претвори во домашна канцеларија. Доколку спаѓате во групата на луѓе кои веќе работат од својот дом или планираат да започнат во блиска иднина, во прилог се идеи за дизајн и уредување на домашното работно катче, кои вклучуваат различни стилови и дизајни за да се задоволи сечиј вкус.
