Пo најлудата ноќ која привлече бројни туристи од регионот и пошироко во Будва, Котор, Тиват, Бар и прекрасната атмосфера што ја создадоа музичките ѕвезди на градските плоштади, на 1 јануари осамна топол ден.
Сонцето не само што ги „соблече“ шетачите во кратки ракави со своите топли зраци, туку и некои ги намами, како на Малдиви или Бора-Бора, да влезат во морето и да уживаат во водата на Јадранот. Да се плива како да е летна сезона, јули, а не јануари.
Првиот ден од Новата година, осветлен со сонце и температура на воздухот до 19 степени и неодолива бонанца на која се прекршуваа зраците, што ги поттикна капачите да пливаат, не е ретка појава за црногорското приморје. Имено, така беше и лани на 1 јануари.
Метеоролозите најавуваат добро време со температура до 20 степени на црногорското крајбрежје до 4 јануари.