(ВИДЕО) Десетици повредени при експлозија на еврејски фестивал во Лондон

Десетици лица се повредени во Лондон на прослава на еврејски празник на кој традиционално се палат огнови. Според дел од медиумите повредени се десетмина, но некои од лондонските медиуми јавија дека бројката на повредени се искачила на 30 лица, од кои 10 се хоспитализирани.

Како што јавуваат тамошните медиуми, експлозијата се случила ноќеска, во Стамфорд Хил, на еврејскиот фестивал Лаг Баомер, додека учесниците палеле оган на отворено. Неофицијално, до експлозија дошло поради горивото што се користело за полевање на кладата или поради стари мобилни телефони кои биле фрлани во огнот.

Сведоци раскажуваат дека експлозијата се случила во моментот кога рабинот запалил оган. Се создала голема огнена топка, а луѓето почнале да врескаат и да бегаат, рипајќи еден врз друг. Лекарска помош им била укажана на над 30 учесници на прославата. Лондонската полиција не ја поврзува експлозијата со терористички напад.


Извор: Макфакс

ПОВРЗАНИ ВЕСТИ

e