Украина тврди дека убила уште еден руски генерал.
„Како резултат на нападот на непријателот, загина командантот на 8-та армија на Јужниот воен округ на вооружените сили на Руската Федерација, генерал полковник Андреј Мордивчев“.
Оваа информација не е потврдена, а ја објави украинската армија на својот официјален профил на „Твитер“.
Ова е петти руски генерал кој, според Украинците, загинал за нешто повеќе од 20 дена, колку што трае воениот судир.
Пред само три дена Украина објави дека го убила генерал-мајор Олег Митјајев за време на интензивните борби во предградие на југоисточниот град Мариупол.