Шпанската крајбрежна стража спаси повеќе од 200 мигранти во обид да преминат од Африка во Шпанија.
Спасувачката акција доаѓа во време кога Шпанија се подготвува за пристигнување шпански воен брод со 15 мигранти од италијанско пристаниште.
Мигрантите од супсахарска Африка биле пронајдени на три сплава во Алборанското Море меѓу североисточно Мароко и југоисточна Шпанија. Тие се пренесени во Алмерија и на Малага.
Околу 18.018 мигранти пристигнале во Шпанија до средината на август годинава, според Министерството за внатрешни работи. Ова е зголемување од 39 проценти во однос на истиот период минатата година.
Бројките на Обединетите нации покажуваат дека поморските пристигнувања од Блискиот Исток и Северна Африка во ЕУ паднале од над еден милион мигранти во 2015 година на 141.500 мигранти минатата година. Бројот на загинати или исчезнати во морето е околу 15.000.