Земјотрес со јачина од 5,4 степени според Рихтеровата скала ја погоди рано утринава јужна Грција, но засега нема информации за материјална штета или повредени.
Епицентарот на земјотресот е регистриран на длабочина од речиси 58 километри во 05.16 часот во морето меѓу Пелопонез и Крит, објави грчкиот институт за геодинамика, а грчките медиуми објавија дека земјотресот бил почувствуван од Атина до Крит, пренесува порталот Катимерини.
Земјотресот е почувствуван во повеќе области на Пелопонез, како Каламата и Триполи, но и во Атика.
Земјотрес со јачина од 4,6 степени според Рихтеровата скала претходно беше регистриран на подрачјето меѓу пристанишниот град Килини и островот Закинтос, а според извештајот на Институтот за геодинамика во Атина, сеизмичката вибрација била на длабочина од 26 километри