Повторно стигнаа дојави за подметнати бомби во ушилишта во соседна Србија. Голем број училишта утрово се соочиле со ваков аларм во Белград, Мајданпек, Ниш но и во други градови поради што дел од нив ги известиле родителите децата да не доаѓаат на училиште и дека наставата денеска ќе се одржува онлајн.
Корисници на социјални мрежи ја потврдиле таа информација, објавувајќи дека пријави стигнале и до училишта во општините Ада, Кикинда и Врбас. Во Мајданпек во тек се проверки, а на лице место излегле пожарникари и Итна помош, јави Бета.
Дојави за бомби пристигнале и во неколку основни училишта во Ваљево. Во Нови Пазар поради дојава за бомби во две училишта полицијата го блокирала тој дел од градот, бидејќи во непосредна близина се градинка и зграда на Полициската управа. Според Бета, дојава за бомби пристигнала утрово на адресите на сите основни училишта во Расински округ, Ниш, Пирот и Бабушница.