Десет лица, вклучувајќи го и осомничениот напаѓач, се пронајдени мртви по пукотница во град во североисточната канадска покраина Британска Колумбија, соопшти канадската полиција. 25 лица се повредени.
Шест лица се пронајдени мртви во средно училиште во Тамблер Риџ, уште две лица се пронајдени мртви во куќа за која се верува дека е поврзана со инцидентот, а едно лице починало на пат кон болница, соопшти полицијата.
Осомничениот напаѓач бил пронајден мртов од очигледна самонанесена рана, соопшти полицијата, додавајќи дека не веруваат дека има други осомничени или понатамошна закана за јавноста. Јавно предупредување испратено до жителите на нивните мобилни телефони го опишува напаѓачот како „жена со кафеава коса облечена во фустан“.
Полицијата идентификуваше жена осомничена за пукањето, но засега нема да го објави нејзиното име. Истражителите сè уште го утврдуваат мотивот за нападот, како и врската помеѓу осомничениот и жртвите, објави Асошиејтед Прес.
Кен Флојд, началник на Кралската канадска коњичка полиција (RCMP), им изјави на новинарите дека осомничениот е идентификуван, но дека неговото име нема да биде објавено. „Мотивот на напаѓачот останува нејасен. Сè уште истражуваме како жртвите биле поврзани со осомничениот“, додаде Флојд.