Рускиот премиер Дмитриј Медведев изрази денеска жалење поради тоа што администрацијата на американскиот претседател во заминување Барак Обама го завршува мандатот со „антируска агонија“.
Медведев ова го објави на Твитер, а пораката ја заврши со – „Р.И.П. (почивај во мир)“.
– Мошне е тажно тоа што администрацијата на Обама, која го почна мандатот со напорите да ја обнови соработката, го завршува мандатот со антируска агонија. Р.И.П.“, наведе Медведев во твитот.
