Полицијата во американската сојузна држава Ајдахо објави дека девет лица се хоспитализирани, а 30-годишен маж уапсен по масовно бодење, веројатно со нож.
Нападот се случил во станбен комплекс во градот Бојси, во кој се сместени многу бегалски семејства.
Локална телевизиска станица објави дека централната улица во градот е блокирана во должина од повеќе од 1,6 километри и дека полицијата се уште не знае што е мотивот за нападот што се случил вечерва. Шефот на полицијата во Бојси, Бил Боунс, рече дека дел од улицата би можел да биде отворен за неколку часа, но областа околу станбениот комплекс ќе остане блокирана најмалку еден ден.
Боунс рече дека сите деветмина настрадани во нападот биле пронајдени во станбениот комплекс и на паркингот пред него и дека некои од повредените претрпеле убоди опасни по живот.
Инспекторите го пребаруваат блискиот канал за да најдат докази, особено ножот што го користел осомничениот.