Грчката полиција на северот од земјата разбила криминална група која продавала бебиња, наведувајќи дека станува збор за една од најорганизираните групи во Европа.
Полицијата навела дека 22 лица се уапсени, а 66 осомничени.
Шефот на одделението за злосторства на солунската полиција, Антонис Цицис, рекол дека се верува дека ова е една од „најголемите и најдобро организираните“ групи во Европа.
Полицијата им влегла во траг на 22 случаи на продажба на бебиња, 24 продажби на јајце клетки и 10 случаи на плаќање сурогат мајки меѓу 2016 и 2019 година.
Цицис наведува дека оваа криминална група „заработила“ најмалку половина милион евра.
Криминалната група наводно ја предводеле грчки адвокат и акушер.
Тие регрутирале сиромашни трудници во Бугарија и им плаќале до 5.000 евра да ги продадат своите бебиња на парови без деца, пренесува АП.