Ви пренесуваме дел од колумната на Мирјана Најчевска за Цивил Медиа:
Време е во Република Македонија да биде избрана жена за претседател.
Заради тоа што до сега немало, и покрај тоа што 50% од населението на државата се жени, што значи дека има еднакви шанси да биде најден соодветен кандидат меѓу жените како и меѓу мажите.
Заради тоа што и во 21 век Македонија останува патријархална држава во која доминира мажот, кој е побогат, помоќен, кој одлучува, и на макро и на микро план и ваквата ситуација не може да биде сменета без да биде сменет основниот родово базиран стереотип за посебните улоги на жените и мажите.
Заради тоа што постои видлива и невидлива дискриминација од огромни размери врз основа на пол и род која влијае на благосостојбата и на жените и на мажите. Македонија не успева да излезе од затворениот круг на сиромаштија и назадност, а излезот е невозможен без победата на најназадниот стереотип за различното место на жените и мажите.
Заради тоа што во услови кога државата во изминатите 28 години ја раководеа пред се мажи, Македонија не напредуваше, туку стагнираше па дури на некои полиња и назадуваше во однос на почетната позиција при осамостојувањето.
Целата колумна на Цивил Медиа на следниот ЛИНК.