Со оваа националистичка реторика, Мицкоски се фокусира на борба за изборна победа во македонски средини, но во мултиетничко Скопје убеден сум дека таквата стратегија ќе доживее пораз уште во првиот изборен круг.
Скопје е со векови мултикултурен град во кој се испреплетуваат различни култури, обичаи и јазици. Со агитирањето против мултикултурноста, мултиетничноста, мултирелигиозноста и мултијазичноста на Скопје, ВМРО-ДПМНЕ практично се откажува од гласовите на Албанците, Турците, Србите, Бошњаците, Ромите, Власите и другите заедници. А со такви ретроградни политики, и со веќе видените антиалбански агитации против двојазичност и федерализација, ВМРО-ДПМНЕ практично се откажува од Скопје на локалните избори.
„Македонија за сите луѓе“ или само за етничките Македонци?
По дефиниција, политички демагог е тој што настојува да придобие политичка доверба со празни ветувања и измами со цел да дојде до власт. Зошто Мицкоски е проѕирен политички демагог? Па, затоа што во неговата кампања „Македонија за сите луѓе“ не веруваат ни тие што му ја смислиле.
На сите што малце се разбираат од политика им е јасно дека Мицкоски не се откажува од исклучивиот национализам на Груевски, кој нè доведе до провалија на крвавиот „27 април“ и до загрозување на државата и безбедноста на сите луѓе.
Целата колумна на Ваљон Салиху за Слободен печат на следниов ЛИНК.