Руска инфлуенсерка снимала видео во кое плаче поради исклучувањето на Инстаграм во нејзината земја откако западните социјални мрежи беа забранети во Русија поради инвазијата на Украина. Но, наместо сожалување и разбирање што ги очекуваше, таа доживеа бран критики и напади.
Москва започна кривична постапка против копанијата Мета, во чија сопственост се и Фејсбук и Инстаграм, обвинувајќи ја дека е екстремистичка организација која дозволува смртни закани врз руски војници. „Мета“ тврди дека Русија отсече 80 милиони Руси од Инстаграм и им го зеде „лебот“ на инфлуенсерите.
„NEXTA“, платформата која има за цел да го открие вистинскиот живот под Путин, објави видео од руската блогерка како плаче.
„Дали мислите дека Инстаграм е само извор на пари за мене? Инстаграм за мене е живот. Пет години се будам поради него, одам да спијам со него“, вели таа и додава дека минува низ првата фаза на жалост поради забраната за користење Инстаграм.
Заедно со нејзиното видео, NEXTA напиша дека таа повеќе се грижи за својата заработка, отколку за илјадниците убиени Украинци, но и Руси. „Таа најмногу тагува затоа што нема да може да објавува фотографии од ресторан“, напишале тие.
Во моментот кога инфлуенсерката го објавила видеото, украинскиот град Мариупол 13-ти ден беше без храна, вода и струја, а беа убиени повеќе од 1.500 цивили, меѓу кои и деца. Видеото досега е прегледано 1,3 милиони пати.
Меѓу оние кои се пожалија на забраната на Инстаграм се и руските инфлуенсерки Лиза Лукашева и Ана Иванова, кои ги поканија своите следбениците да се префрлат на нивните канали на Телеграм и руската верзија на Фејсбук, „ВК група“.
„Драги мои пријатели, за само неколку часа платформата Инстаграм ќе биде згасната кај нас. Би сакала да останеме во контакт и да објавувам содржини за вас. Претплатете се на мојот канал на „Телеграм“ и „ВКонтакт“. Ветувам дека ќе комуницирам со вас на англиски и ќе ве информирам за мојот живот. Ви благодарам за се“ – напиша Лукашева.
Иванова, која ја „следат“ 4,4 милиони луѓе, рече: „Милиони приказни, илјадници објави, илјадници среќни спомени што ги споделив со вас, вашата поддршка, љубов, музика што ги делевме, сето тоа не обедини во големо инста-семејство. Речиси пет милиони луѓе за десет години. Сигурна сум дека работите ќе се подобрат, но сега само ни посакувам мир и сила да го преживееме ова. Ве чекам на „Телеграм“ и „ВК“.
One of the #Russian bloggers cries that in two days her Instagram will stop working
She does not care at all about the thousands of dead people, including her compatriots. Obviously, her biggest worry right now is that she won't be able to post pictures of food from restaurants. pic.twitter.com/LSdBiSlwHr
— NEXTA (@nexta_tv) March 11, 2022