Ја нарекоа ‘режимска пејачка’ и ја избркаа од сцената. Јелена Карлеуша доживеа јавно понижување на концертот во Лозница.
Концертот на српската поп-ѕвезда Јелена Карлеуша во Лозница синоќа доживеа фијаско, откако голем дел од публиката почна гласно да ја исвиркува и да скандира, принудувајќи ја да го прекине настапот и да ја напушти сцената. Инцидентот, кој е снимен на бројни видеа што станаа вирални, нашироко се толкува како директен јавен револт против нејзиниот неодамнешен политички пресврт и контроверзните изјави против студентските протести.