Сузана Манчиќ, најпознатата лото девојка во поранешна Југославија, искрено проговори за причината поради која позирала за Плејбој и за реакциите на јавноста за нејзиниот потег.
„Позирав за Плејбој како славна личност и тоа го сметам за мој личен успех – не затоа што имав 48 години и изгледав одлично во тоа време, туку затоа што ги надминав малограѓанските проценки. Само специјалните жени ги поместуваат границите и ги кршат табуата. Фотографиите беа од светска класа – и естетски и квалитативно“, изјавила таа во интервјуто за „Нет“.
Кога станува збор за нејзиниот љубовен живот, таа изјави дека се трудела да се држи настрана од зафатените мажи, но дека се случува човек да ја загуби главата поради љубовта.
“Не сум горда на тоа, но тоа им се случува на многу луѓе, вклучувајќи ме и мене. Ја напуштив кариерата поради љубовта, отидов до крајот на земјата, но кариерата секогаш ми се враќаше”, рекла таа.
Таа потоа изјави дека е во брак на далечина со грчкиот бизнисмен Симеон Окомокос речиси 25 години.
“Тоа е убава, силна врска. Многу често сме заедно и уживаме во нашата љубов”, рекла таа.